رواية عنيدة الادهم الفصل الحادي عشر 11 بقلم هنا
رواية عنيدة الادهم الجزء الحادي عشر
رواية عنيدة الادهم البارت الحادي عشر
![عنيدة الأدهم](https://camo3blog.com/wp-content/uploads/2022/01/عنيدة-الأدهم-300x300.jpg)
رواية عنيدة الادهم الحلقة الحادية عشر
دخلت آسيل مع والدها و مازن …اتصدمت لما شافت ادهم و عمرو بيهزروا مع بعض
أسيل في نفسها: الي انا شيفاه ده بجد و لا بتخيل ازاي ادهم باشا واقف بيهزر مع عمرو و هو عارف انو شغال في المافيا و عمرو عارف ان ادهم هو فهد المخابرات و بيهزروا مع بعض اكيد حد فيهم ناوي على حاجه ربنا يستر… انا دماغي عملت erorr !!!!!
مازن: أسييييل مالك في ايه؟
أسيل بإنتباه: ها لا مفيش.
مازن:طب امشي واقفه ليه؟!
الأب: سيبها تدلع علينا ده حتى النهارده خطوبتها و شويه و هتسبنا.
أسيل بضحك: لو مدلعتش عليكوا هدلع على مين…و بعدين مش هسيبكوا
الأب: ادلعي براحتك ي حبيبتي
مازن: امشي الراجل خلل و هو مستنيكي
أسيل: خليه مش كنت بجهز
مازن: تلت ساعات و نص بتعملي فيهم ايه ده حتى المكياچ محتطيش فهميني كنتي بتعملي ايه؟!!!
أسيل: كنت بلبس الاه
الأب: امشوا ربنا يهديكوا حتى يوم خطوبتك خناق اتهدوا
أسيل: هههه حاضر
وصلوا أسيل لعمرو و سبوها بعد م سلموا عليه
عمرو: اول مرة اعرف إن الشمس بتطلع بليل
أسيل بخفوت: سمج
عمرو: بتقولي ايه ؟
أسيل: بقول هي مش المفروض بتتقال اول مرة اعرف إن القمر بيطلع الصبح ولا ايه و لا علشان احنا بليل!!
عمرو: القمر ميتقارنش بجمالك و لا الشمس بس انتي دائما منورة زي الشمس
أسيل: الله يسترك بلاش محن احسن نفسي بتغم عليا
عمرو بإحراج بيمسك إيد أسيل علشان يروحوا الكوشه
أسيل بتبعد عنه بعصبيه: انت ايه الي بتعمله ده ، مفيش تلامس غير بعد كتب الكتاب و ده الي مستحيل يحصل
عمرو: تلامس ايه أنا بمسك ايدك بس!!
أسيل: و حضرتك بتسمي ده ايه؟
عمرو: خلاص آسف ، و بعدين انا خطيبك
أسيل بعصبية: ي شيخ اتقي الله حراام
عمرو بتأفف: متتعصبيش ي اختي ليطقلك عرق
أسيل بخفوت: إن شاءالله انت
بيروحوا الكوشه و الناس بتيجي تبارك لهم و ادهم بيجي
ادهم: الف مبروك ي أسيل ربنا يتمملكوا على خير
أسيل: الله يبارك في حضرتك عقبالك
ادهم: الف مبروك ي عمرو
عمرو: الله يبارك فيك ، و بيحضنوا و ادهم بيغمز لآسيل من ورا و أسيل واقفه مستغربه من علاقتهم
أسيل بتفهم إن ادهم بيخطط لحاجه
…….باقي الفريق بيجي يبارك لهم
معاذ: الف مبروك ي أسيل
أسيل: الله يبارك فيك وعقبالك
معاذ: قريب إن شاء الله
أسيل بضحك : مبروك مقدما ي سيدي
عمرو: كيس جوافه انا
قاعد جنبها !! مفيش مبروك ي عمرو!!؟
معاذ : لا طبعا ازاي الف مليون مبروك ي عمرو
عمرو من بين أسنانه: الله يبارك فيك عقبالك
نور: الف مبروك ي أسيل
أسيل بضحك: مبروك ي نور عقبالك و لو اني شاكه انو قريب برده بس مش هكلمك دلوقتي
نور: استني ده احنا بكرة لينا قاعدة سوا و هحكيلك
أسيل: إن شاءالله
نور: إن شاءالله ، مبروك ي بتاع انت
عمرو: الله يبارك فيكي ي بتاعه
أسيل: متعرفيش ي نور آيه مجتش ليه؟
نور: معرفش كان المفروض إنها تيجيلي و نروح سوا بس مجتش
أسيل: ابقي اطمني عليها احسن يكون في حاجه
نور: حاضر ، بس ايه الحلاوه دي
أسيل بتكبر: أقل م عندي ي ماما
نور: النرجسية عاوزة منك ايه!!
أسيل: كل خير نيهههااااا
عند مازن
ريماس: لايقين على بعض اوي بسم الله ماشاء الله بس لو كان الي سلم عليهم و حضن العريس كان هيبقى احلى مع أسيل
مازن: و انت مالك انهو احلى و بعدين انت عارفه مين الي سلم عليهم اصلا؟
ريماس: لا مين
مازن: ده المسئول عن تدريب أسيل و لقبوا فهد المخابرات
ريماس: ياااه لو كان ارتبط هو واسيل كانوا هيبقوا جامدين اوي سوا
مازن: اتهدي بقا و ملكيش دعوة بيهم
ريماس: اوووف اهو
مازن: بكرة كام
ريماس: مش فاكره بس تقريبا20
مازن : اليوم ده مش بيفكرك بحاجه!؟
ريماس بتفكير: اممم لا قول
مازن: احلفي إنك مش فاكره
ريماس: و الله م فاكرة
مازن: ي وقعه سوده بكرة كتب كتبنا ي هطله
ريماس: ي اخي حرام عليك فكرتها حاجه مهمه
مازن: منك لله ي ريماس ي بت ام ريماس
ريماس بضحك: ي عم انت قفوش كده ليه بهزر ي رمضان مبتهزرش
مازن: لا و متضحكيش بصوت عالي تاني
ريماس: اه حاضر
مازن: شطورة
ريماس: ايه الي شطورة دي قاعد مع بت اختك!!! و بعدين انا قلتلك حاضر علشان عارفه انو غلط و حرام و طلعت غصب عني مش بسمع كلامك و لا حاجة
مازن: يخربيتك دبش بتحدفي طوب من بوقك
ريماس: معلش و خلينا نتفرج بقا
جه وقت تلبيس الدبل أسيل بتشاور لچينا تيجي
چينا: عاوزه ايه؟
أسيل: نادي مازن
چينا: ليه
أسيل: علشان هو إلى هيلبسني الدبله
چينا: اه ماشي ، چينا بتروح لمازن
چينا: مازن روح لآسيل عوزاك
مازن: ليه!
چينا: علشان تلبسها الدبله
مازن: ماشي هروحلها على الله يطمر فيها
مازن بيروح لآسيل
مازن: الهبله بقت عروسه
أسيل: بطل ظرافه يا ظريف
مازن: تعرفي
أسيل: ايه
مازن: ابغى ازغرط هالا و هالحين بس م بعرف
أسيل: هههه و ماله ي اخويا اتعلم
مازن: مبروك ي عمرو هتاخد مننا المجنونه بتاعت البيت
عمرو: الله يبارك فيك، انت بتقول على أسيل مجنونه انا لحد دلوقتي مشفتش اعقل منها
أسيل: ههه انت المجنون ي مازن
مازن: اه ده انتوا متفقين بقا و جايبني هنا اتهزق
عمرو: محدش قالك تعالى، انت الي جاي لوحدك
مازن: لا جاي البس أسيل الدبله
عمرو: ليه و انا كيس جوافه جنبها
أسيل بخفوت لعمرو: كلام في سرك انت كيس طماطم بايظ
أسيل: اكيد ي عمرو مش قصدوا كده بس أنا أخته و هو بيغير عليا و حرام اصلا مش صح يا مازن؟
مازن: ها اه طبعا
عمرو: و كل الي اتخطبوا اخواتهم هما الي بيلبسهوم الدبل بقا!!! عمري م شفتك تشدد للدرجه دي انا مش هأكلها
مازن بجديه: احنا ملناش دعوه بالناس ي عمرو احنا الي هنتحاسب مش الناس و على فكرة اسيل هي الي لبست الدبله لخطيبتي و ليا و لو مش عاجبك احنا لسه فيها نفركش و كل واحد يروح لحاله
عمرو: لا لا نفركش ايه لبسها الدبله و لبسهالي انا كمان
مازن: هههه حاضر
بيخلصوا تلبيس الدبل و الناس الي بيروح ياكل و الي بيرقص و إلى بيتفرج
عمرو: تيجي نرقص
أسيل: انت عندك خال اهبل صح
عمرو: لسانك ده لميه احسنلك
أسيل: لا خوفت ايه هتعملي ايه هتخطفني و تعذبني و لا هتجلدني لا ي بابا جيت العنوان غلط مش أنا
عمرو: شكل انت إلى عندك خال اهبل انا عمري م أمد ايدي على بنت
أسيل: لا راجل
عند ادهم بيعطي مسئول الشاشة فلاشه و بيقولوا يعرضها المسئول بيأخدها منه و بيطفي الانوار و يشغلها بتبدأ بعرض صور ليها و هي طفله و ليه
أسيل بخبث: الله انت الي عامل الفيديو ده
عمرو: لا مش أنا استني لما يخلص نسأل مين
الصور بتتغير و بتيجي صور لعمرو و هو ________ كلهم بيبصولوا بصدمه و أسيل بفرحه
في مكان تاني
:ها مفيش جديد
*: لا بس النهارده خطوبه واحده من فريقهم على عمرو بيه
: عارفه حقيقته
*: اه كلهم شافوه المرة إلى فاتت
: طب امشي انتي دلوقتي و هشوفلك مهمه جديدة و اكلمك يلا
*: حاضر
يتبع…
لقراءة الفصل التالي : اضغط هنا
لقراءة الرواية كاملة اضغط علي : (رواية عنيدة الأدهم)
2 تعليقات